Það er skammt stórra högga á milli. Nú eru í annað sinn starfræktar svokallaðar skáldabúðir í Svarfaðardal. Þar sitja rithöfundarnir Ingibjörg Hjartardóttir, Kristrún Guðmundsdóttir, Salvör Aradóttir, Björg Árnadóttir, Anna Dóra Antonsdóttir, Stefanía Hallbjörnsdóttir og Innri Jolanta. Þær munu allar mæta á kaffihúsið Gísla, Eirík og Helga að Grundargötu 1 á Dalvík fimmtudaginn 2. maí næstkomandi kl. 17:00 og lesa upp úr verkum sínum. Við hvetjum alla sem tök hafa á að láta s

Boðið hefur verið til bókaspjalls sunnudaginn 28. apríl næstkomandi kl. 17:00 í félagsheimilinu að Héðinsminni í Blönduhlíð Í Skagafirði. Þar munu hittast fyrir rithöfundarnir Anna Dóra Antonsdóttir, Þórunn Jarla Valdimarsdóttir og Kristrún Guðmundsdóttir og kynna verk sín. Hér er um að ræða viðburð sem enginn skyldi láta framhjá sér fara. Meðfylgjandi mynd er af félagsheimilinu að Héðinsminni sem tekin var af Auði Herdísi Sigurðardóttur.

að Anna Dóra Antonsdóttir var nýlega tekin til viðtals í héraðsfréttablaðinu Feyki þar sem rætt var við hana um nýútkomna bók hennar um hið svonefnda Skárastaðamál. Viðtalið er að finna hér. Þá var sömuleiðis birt viðtal við Önnu Dóru á vefnum Svarfdælasýsl - um svarfdælinga sunnan heiða í blíðu og stríðu, en viðtalið er að finna hér.

Hóf til að fagna útgáfu bókarinnar "Þar sem skömmin skellur" fór fram á Óðinsgötunni í dag. Boðið var uppá létta tónlist, veitingar og upplestur. Ljómandi vel heppnað í alla staði. Þökkum gestum fyrir komuna og höfundi bókarinnar fyrir upplesturinn. Meðfylgjandi mynd var tekin í hófinu.

Hóf til að fagna útgáfu bókarinnar Þar sem skömmin skellur - Skárastaðamál í dómabókum, verður haldið í Mengi, Óðinsgötu 2, þriðjudaginn 16. apríl næstkomandi milli 17:00-19:00. Þar verður boðið upp á kynningu á bókinni, léttar veitingar og tónlist í bland. Verið velkomin.

Út er komin bókin Þar sem skömmin skellur eftir Önnu Dóru Antonsdóttur. Um er að ræða sagnfræðilegt verk um eitt af forvitnilegri sakamálum Íslandssögunnar, Skárastaðamálið svokallaða, sem gerðist fyrir hartnær 160 árum og tengist bænum Skárastöðum í Austurárdal í Miðfirði. Bókin byggir á dómabókum og fleiri samtímaskjölum, en þar sem gögnum sleppir tekur höfundurinn við og fyllir uppí eyðurnar.